ޚިދުމަތުގައި

               

1974 ވަނަ އަހަރު ފެބުރުއަރީ ފަސްވަނަ ދުވަހު ދުނިޔޭގެ އަލިކަން ދެކެވަޑައިގެންނެވި އަލްފާޟިލް އަހުމަދު ރަޝީދަކީ ކުންޑަ އާއިލާއާއި އަލިބެ އާއިލާއަށް ނިސްބަތްވެ ވަޑައިގަންނަވާ ބޭފުޅެކެވެ.ހއ.އިހަވަންދޫ ރޯޒީވިލާއަށް އުފަންވެ ވަޑްއިގެންނެވި އަލްފާޟިލް އަހުމަދު ރަޝީދު އެންމެންގެ ނަމުންނަމަ "ދޮންބެ" އަކީ ހއ.ހޯރަފުށީ އަލަނާސިމާގޭ މުހައްމަދު ޔޫސުފް އާއި ހއ.އިހަވަންދޫ ނެދުންގޭ ޖަމީލާ އަށް ލިބިވަޑައިގެންނެވި 4 ވަނަ ދަރިފުޅެވެ. އާއިލާގައި 3 ދައްތައާއި 3 ކޮއްކޮ ތިއްބެވިއެވެ. ލޮނުމިރުހާއި ގަރުދިޔައާއި ބަތާއި ކެއުމަށް އެންމެ ލޯބިކުރާ ދޮންބެއަކީ އެހެންމީހުންނަށް އިސްލާމްދީން އުގެނުމުގެ ދައުވަތު ދިނުމަށް ވަރަށް ބޮޑަށް ޝަޢުޤުވެރިވާ ބޭފުޅެކެވެ.

އަލްފާޟިލް އަހުމަދު ރަޝީދު ( ދޮންބެ )ގެ މައިންބަފައިން ވަނީ މިފަނާވަނިވި ދުނިޔެއާއި އަލްވަދާޢުކިޔާފައެވެ. ހަމައެހެންމެ ދޮންބެ ހަޔާތުގައި އެންމެ އަސަރުކުރި ހިތާމަވެރި ދުވަހަކީ ދޮންބެގެ ލޮބުވެތި މަންމަ (ޖަމީލާ ހަސަން) މިދުނިޔެއާއި ވަކިވި ދުވަހެވެ. ހަމައެހެންމެ ދޮންބެ ޒަވާޖީ ހަޔާތެއް ފެށުމުގެ ގޮތުން އެރަށު ފުނަމާގޭ ޝަމީމާ އަބުދުއްސައްތާރު އާއި ގުޅިވަޑައިގެންފައި ވަނީ 2001 ވަނަ އަހަރުގައެވެ. ކައިވެންޏަށް 11 އަހަރުވީރު އެދެބޭފުޅުންނަށް އަންހެންކުއްޖަކާއި ފިރިހެންކުއްޖެއް ލިބިވަޑައިގެންފައިވެއެވެ. ދޮންބެގެ ހަޔާތުގައި އެންމެ އުފާވެރިކަމެއް ލިބިވަޑައިގެންފައިވަނީ ފުރަތަމަ 

ދަރިފުޅު (މައިޝާ އަހުމަދު ރަޝީދު) ދުނިޔެއަށް އުފަންވި ދުވަހުއެވެ.

        ދޮންބެގެ ތައުލީމީ ދައުރަށްބަލައިލާއިރު އިހަވަންދޫމަދަރުސާއިން ގުރޭޑު ހަޔަކާހިސާބަށް ކިޔެވުމަށްފަހު އަނެއްބައި މަދަރުސަތުލް އަހުމަދިއްޔާއިން ގުރޭޑު ހަޔަކުން ދިހައިކާ ހިސާބަށް ކިޔެވިއެވެ.މަދަރުސަތުލް އަހުމަދިއްޔާއިން ޖީސީއޯލެވެލް އިމްތިހާން ނިއްމެވިއެވެ.އެންމެ މާއްދާއަކުން ފިޔަވައި ހުރިހާމާއްދާއަކުން ދޮންބެ ވަނީ ފާސްވެފައެވެ.ނަމަވެސް ސީ.އެޗް.އެސް.ސީއިން އޭލެވެލްއިންތައުލީމު ހާސިލްކުރުމުގެ އުންމީދުވަނީ ނާކާމިޔާބުވެފައެވެ.އެއައްފަހު ކޮލެޖުން އެޑްވާންސް ސެޓްފިކެޓް އިން ސެކަންޑަރީ އިސްލާމިކް ޓީޗިން ހާސިލްކުރުމަށްފަހު އިތުރަށް ޑިޕްލޮމާއިން ސެކަންޑަރީ އިސްލާމިކް ޓީޗިން،ބެޗްލާ އޮފް އިސްލާމިކް ޓީޗިން އޮނަރސްހާސިލްކުރެވުނެވެ.ދޮންބެ ތައުލީމު އެކިގޮތް ގޮތުން ހާސިލްކޮށްފައިވަނީ އިހަވަންދޫ މަދަރުސާއިންނާއި،މަދަރުސަތުލް އަހުމަދިއްޔާއިންނާއި، ފެކަލްޓީ އޮފް އެޑިއުކޭޝަން އަދި ކުއްލިޔަތުލް އިސްލާމިއަތުލް ދިރާސާއިންނެވެ.އަދި ޑިޕްލަމާއިން މެނޭޖުމެންޓު ހާސިލްކޮށްފައިވަނީ ޤައުމީ ޔުނިވާސިޓީއިންނެވެ.ދޮންބެ މިހުރިހާ ތައުލީމެއް ހާސިލްކުރިއިރު ކާމިޔާބީތަކެއްވެސް ލިބޭނޭކަންކަށަވަރެވެ. އެގޮތުން ދޮންބެއަށް ވަނީ ޤުރުއާން މުބާރާތުން ތިންވަނަ،ސުކޫލުން ތިންވަނަ އަދި ޑިޕޮލޮމާ،ޑިގްރީއިންވެސް ތިންވަނަ ހާސިލް ކޮއްފައެވެ.

          އެޑިއުކޭޝަން ދާއިރާއަށް ޚިދުމަތްކުރާތާ ތޭރަ އަހަރުވީއިރު ދޮންބެވަނީ އެތައްއެތައް މަޤާމުތަކެއް ފުރުއްވާފައެވެ. މިގޮތުން  އެންމެ ފުރަތަމަ 1998 ވަނަ އަހަރު އިހަވަންދޫސުކޫލުގެ ވަގުތީ ޓީއްޗަރަކައް އުޅުއްވިއެވެ.އެއައްފަހު 2001 ވަނައަހަރު އިސްލާމިކް މުދައްރިސަކަށް އުޅުއްވިއެވެ.2006 ވަނައަހަރު ސުޕަވައިޒަރ އަދި 2997ވަނަ އަހަރު ގުރެޖުއޭޓު ލީޑިން ޓީޗަރެއްގެ ގޮތުގައެވެ.ތާޖުއްދީން ސްކޫލުގެ ގުރެޖުއޭޓު ޓީޗަރަކަށްވެސް ވަނީ 2009ވަނަ އަހަރު އުޅުއްވާފައެވެ.މިހާރު ދޮންބެ އުޅެމުންދަނީ ކޮލިފައިޑް ލީޑިން ޓީޗަރެއްގެ ގޮތުގައެވެ.މިނޫނަސް ދޮންބެވަނީ އެކިއެކި ރޮނގުތަކުން މަޤާމު ފުރުއްވާފައެވެ.ސެންޓަރ ފޯރ ހަޔަރ އެޑިއުކޭޝަންގެ އިސްލާމު މުދައްރިސެއްގެ ގޮތުގައި އުޅުއްވިއެވެ.މިނިސްޓުރީ އޮފް އިސްލާމިކް އެފެޔާޒުގައި ހުކުރު ކުރާއިރު އިމާމަކު ކަމުގައިވެސް ވަނީވެފައެވެ.އަދި ހއ.އިހަވަންދޫގައި އެންމެ ހިނގާ އެއްޖަމުއްޔާ ކަމުގައިވާ އިމަގު(އިހަވަންދޫ މަސްވެރިންގެ ގުޅުން)ގެ ތިންވަނަ ރައީސްކަމާއި ރައީސްކަންލިބުމުގެ ކުރިން އެތަނުގެ ސެކައްޓަރީކަން ވަނީ އަދާކޮށްފައެވެ.ހަމައެހެންމެ އިސްލާމް އަދި ދިވެހީގެ އެޗްއޯޑީކަން ކޮއްފައިވާކަން ފާހަގަ ކޮށްލެވެއެވެ.

     އަލްފާޟިލް އަހުމަދު ރަޝީދުވަނީ ހަޔާތުގައި ވަރަށް ބޮޑެތި ބުރަތަށްއުފުލާފައެވެ. އެކަނިމާއެކަނި ހިތްވަރު ކޮށްގެން މާލެގޮސް އޯލެވެލް ނިއްމާލެވުނީ މީހުންނަށް ބާޒާރުކޮއްދީ ފިހާރަފިހާރައިގެ ސޭޓުކަން އަދި ކުދިން ސޮކޫލަށް ގެންގޮސްދީގެން އާއިލާގެ މާބޮޑު ދައުރެއްނެތިއެވެ.ކޯސްފުރިހަމަ ކުރުމަށް ވިޤުރުބާނީއާއި އާމްދަނީހޯދުމަށް ވަނީ އާއިލާއާދުރުގައި ހޭދަކޮށްފައެވެ.މީ ގެއިތުރުން އިހަވަންދޫ މަދަރުސާގެ ކުދިންގެ އަހްލާޤް ރަގަނޅުކުރުމަށް ވަރަށް މިންނެތް މަސައްކަތްވަނީ ކޮއްފައެވެ.އެގޮތުން ޓީޗަރުން ފިލާވަޅުތަށް އޮބްޒަރވްކުރުމާއި، ދަރިވަރުންނަށް ކައުންސިލްދިނުން އަދި މެނޭޖުމެންޓުގެ މަސްވަރާއާއި ކުއްތަށް ތަންފީޒުކުރުމުގައި އިސްރޯލުއްވަނީ އަދާކޮށްދީފައެވެ.ހއ.އިހަވަންދޫ މަދަރުސާގައި ގުރޭޑު 8 އުފެއްދުމަށްޓަކައި ހިސާބު، ސޯސަލް ސްޓަޑީޒް، އިސްލާމް، އެކޮނޮމިކްސް، ކޮމާސް ކިޔަވަދީފައިވެއެވެ.ހަމައެހެންމެ އެމަދަރުސާގައި ގުރޭޑު11 އުފެއްދުމަށް ކުދިންގެ ނަތީޖާ ރަގަނޅުކުރުމަށް ބެލެނިވެރިންނަށް މަޝްވަރާދިނުމާއި ރަށުންބޭރުން ކުދިންހޯދަން ކުރިދަތުތަކުގައި ވެސްވަނީ ބައިވެރިވެފައެވެ.

        ދޮންބެ ހުސްވަގުތުތަކުގައި ފޮތްކިޔުމާއި،ޤުދުރަތީ މަންޒިރުތަކާމެދު ވިސްނުން އަދި އަމިއްލައަށް ކުރިއެރުން ލިބޭނުގޮތްތަކާމެދު ވިސްނައެވެ.ދޮންބެ އެންމެ ޝައުޤުވެރިވަނީ އިސްލާމިކް ސްޓަޑީޒް ކިޔުމަށެވެ.ނަމަވެސް އަރަބި ތައުލީމް ހާސިލްކުރުމަށް ކުރިއުންމީދާއި ބިޒްނަސްމޭންއަކަށް ވުމަށް ކުރިއުންމީދުވަނީ ނާކާމިޔާބުވެފައެވެ.

          ޤައުމަށާއި،ފަރުދުންނަށް އެމީހެއްގެ ފަރާތުން އެތަށް ގިނަގުނަ ޚިދުމަތްތަކެއް ކޮށްދެއްވި އަލްފާޟިލް އަހުމަދު ރަޝީދުށް ފަށްފަށުން ޝުކުރުދަންނަވަމެވެ.ދޮންބެގެ އިލްތިޒާމަކީ "ތިޔަކުދިން އެއްވެސް ހާލެއްގައި  ކިޔެވުން ހުއްޓާނުލާށެވެ.އުނގެނޭ އިލްމެއްގެ ބޭނުން އެންމެ ހެޔޮގޮތުގައި ހިފާގެން މަރުވުމުގެ ކުރިން ތަޤުވާވެރިއަކަށްވާށެވެ.އަދި ތިޔަކުދީންނަކީ މައިންބަފައިންނާއި އެހެންމީހުންދެކެ ލޯބިވާ ލޯބިލިބިގެންވާ ބައެއްގެ ގޮތުގައިވުމަށެވެ."ދޮންބެ އެންމެ ދެކެންބޭނުންވާދުވަހަކީ ދޮންބެގެއަކީ  މުދައްރިސެއް ތަޤުވާވެރިއެއްގެ ގޮތުގައި ހުރެ އަނބިދަރީވެސް ތަޤުވާވެރިބައެއްގެ ގޮތުގައިވުމެވެ.މިފަދަ މާތް ޚިދުމަތްތަކަކާއި،އެހީތެރިކަމެއް ވެދެއްވި އަދި ވެދެއްވަމުންދާ ކުރިއަށް ކުރިއަށްއޮތްތަނުގައިވެސް ﷲއިރާދަފުޅާއެކު ވެދެއްވުމަށް ތައްޔާރަށް ހުންނެވި އަލްފާޟިލް އަހުމަދު ރަޝީދަށް މާތްﷲ ރަހުމަތްލައްވާ ދިރިއުޅުމުގައި ކާމިޔާބާއި ބާއްޖަވެރިކަން ލައްވާންދޭވެ.އާމީން.