ހއ.އިހަފަރުގެ ފަޅުމަރާމާތުކުރުމަށް އެރަށު ރައްޔިތުން ހުސްއެޅި މައްސަލައަށް ހައްލެއްހޯދުން

ތަޢާރަފް:

    2004ވަނަ އަހަރުގެ ޑިސެންބަރުމަހުގެ 26ވަނަ ދުވަހަކީ ސުނާމީކާރިސާއިން މުޅިރާއްޖެއަށް ގިނަގުނަ ގެއްލުންތަކެއްލިބުނު ދުވަހެކެވެ.މިގޮތުން ހއ.އިހަފަރަކީވެސް މިކާރިސާގައި އެރަށުފަޅު ވަރަށް ބޮޑަށް ހަލާކުވެ ގެއްލުންތައްވެފައިވާ ރަށެކެވެ.މިރަށު ފަޅު މަރާމާތުކުރުމުގެ މަސައްކަތް ސަޢުދީ ސަރުކާރުގެ ހިލޭ އެހީގެދަށުން ކުރިއަށް ގެންދަނިކޮށް، ރަށުގެ ރައްޔިތުންނިކުމެ، މި މަސައްކަތް ވަނީ ހުއްޓުވާފައެވެ. މިއީ މިނިސްޓުރީ އޮފް ހައުސިންގެ ޑިރެކްޓަރ ގެނެރަލް އައިޝަތު އަހުމަދު މި މައްސަލަ ރަގަނޅަށް ދިރާސާކުރުމަށްފަހު ލިޔާ ރިޕޯޓެކެވެ.މިރިޕޯޓު އެކުލަވާލާފައި މިވަނީ އިހަފަރަށްގޮސް، ރަށުގެވެރިންނާއި،އެރަށު ކޮމުޓީތަކާއި، ޖަމިއްޔާޖަމާއަތްތަކާއި،އާއްމު ރައްޔިތުންނާއި،އެރަށު ޕޮލިޝްސުޓޭޝަންގެ ފަރާތުން ހޯދިމައުލޫމާތުތަކުގެ އެހީގައެވެ. މިރިޕޯޓުބިނާވެފައިވާނީ ފަޅު މަރާމާތުކުރުމުގެ މަސައްކަތް ކުރިންކުރެވިފައިވާގޮތާއި،ފަހުން މަސައްކަތް ކުރިއަށް ދިޔަގޮތާއި، މަސައްކަތް ހުއްޓުވުމަށްމެދުވެރިވި ސަބަބުތަކާއި، މިކަން ޙައްލުކުރުމަށް އެޅިދާނެ ފިޔަވަޅުތަކެވެ.

ފަޅު މަރާމާތުކުރުމުގެ މަސައްކަތް ކުރިންކުރެވިފައިވާގޮތް:

ހއ.އިހަފަރު ފުންކުރުމުގެ މަސައްކަތް މީގެކުރިން ދެފަހަރެއްގެ މަތިން ކުރެވިފައިވެއެވެ. މިމަސައްކަތް ފުރަތަމަ ކުރެވުނީ1990ވަނަ އަހަރުއެވެ.އެފަހަރު ފަޅުފުންކުރުމުގެ މަސައްކަތްކުރިއަށް ގެންދިޔައީ ރައްޔިތުންގެ މާލުން ހަރަދުކޮށްގެން ރައްޔިތުންގެ ބެލުމުގެ ދަށުންނެވެ.މޫސުމީ ބަދަލުތަކާއި،އުދައެރުމާ ވިދިގެން ފަޅަށް ބޮޑެތި ގެއްލުންތަކެއް ވުމުގެ ސަބަބުން ދެވަނަފަހަރަށް ފަޅުފުންކުރެވުނެވެ.އެއީ 2000ވަނަ އަހަރުތެރޭގައި ސަރުކާރުގެ ބެލުމުގެ ދަށުންނެވެ.މިކަން ކުރިއަށް ގެންގޮސްފައިވަނީ އެމް.ޖީ.ސީ.ޓީގެ ފަރާތުންރައްޔިތުންނާއި ބައްދަލުކޮށް ރައްޔިތުންގެ ލަފައިހޯދަވައިގެންނެވެ.އެއަށްފަހު 2004ވަނަ އަހަރު ޑިސެންބަރު 26ވަނަ ދުވަހު ސުނާމީ ކާރިސާގައިވެސް ވަނީ ވަރަށް ބޮޑަށް ގެއްލުންވެ ހަލާވުވެފައެވެ. މިފަހަރު މަރާމާތުކުރަން ފެށިފައިވަނީ2010 ޑިސެންބަރު 26 ވަނަ ދުވަހެވެ. އުވަދޯނި ކޮންސްޓުރަކްޝަނުންނެވެ.

ފަހުން މަސައްކަތް ކުރިއަށް ދިޔަގޮތް:

ފަޅަށް ބޮޑެތި ގެއްލުންތަކެއް ލިބުމަށްފަހު އިހަފަރު ފަޅު މަރާމާތުކުރުމުގެ މަސައްކަތާއި ހަވާލުވެފައިވަނީ އުވަދޯނި ކޮންސްޓުރަކްޝަނެވެ.ސަޢުދީ ސަރުކާރުގެ ހިލޭއެހީގެ ދަށުން ފަޅުމަރާމާތުކުރާއިރު އިތުރަށް ފުންކުރުމާއި ،ފަޅުބޮޑުކޮށް،ފަޅާއިގުޅުންހުރި ވެލިގަނގު ހިމާޔަތް ކުރުމަށްޓަކައި ފަޅުގެ ދެފަރާތުން ރިވެޓްމެންޓު ޖެހުމުގެ މަސައްކަތް ހަވާލުކުރެވުނެވެ.އެބޭފުޅުން މިމަސައްކަތް ކުރައްވަމުން ގެދިޔައީ ރަށުގެ މަދަނީ ޖަމިއްޔާތަކާއި،އެއްވެސް ކޮމެޓީއަކާ މަޝްވަރާކުރުމެއްނެތި އެބޭފުޅުންނަށް ފެނިލައްވާ އެންމެ ރަގަނޅުގޮތަށެވެ.އެބޭފުޅުން މަސައްކަތް ކުރައްވަމުން ގެންދިޔައީ މާބޮޑު ފަރުވާތެރިކަމެއް ނުބަހައްޓަވައި ވަރަށް ބާރުދުވެއްޔެއްގައެވެ. އެހެންކަމުން މަސައްކަތް ކުރިއަށް ދާގޮތައިމެދު ހިތްހަމަނުޖެހި އެރަށު ރައްޔިތުންނުކުމެ ވަނީ މަސައްކަތް ހުއްޓުވާފައެވެ.

މަސައްކަތް ހުއްޓުވުމަށްމެދުވެރިވި ސަބަބު:

މިފަދަމަސައްކަތެއްކުރުމުގައި ރައްޔިތުންދެކޭގޮތާއި މަދަނީ ޖަމިއްޔާޖަމާއަތްތަކާއި، ކޮމެޓީތަކުގެ ހިޔާލު ހޯދައި އެބޭފުޅުންގެ ލަފައި ހޯދަވައި ބޭނުންވާގޮތަކީ ކޮބައިކަން ބައްލަވަންޖެހޭނެއެވެ. އުވަދޯނި ކޮންސްޓުރަކްޝަންއިން  މިކަން ފެއްޓެވުމުގެ ކުރިން ރައްޔިތުންނާއި މަޝްވަރާ ކުރައްވާފައެއް ނުވެއެވެ.މިކަން ފެށުމަށްޓަކައި ރައްޔިތުންގެ ހިޔާލުހޯދުމަށް އިހަފަރު ދާއިރާގެ އިއްޒަތްތެރި މެންބަރު އަލްފާޟިލް މުހިއްމަދު ޤާސިމް ނަޝީދު ބޭއްވި ބައްދަލުވުމަށްހާޒިރުވީ ހަމައެކަނި އެމަނިކުފާނަށް ނިސްބަތް ވެވަޑައިގަންނަވައި ޕާޓީގެ ފަންސާސް މެމްބަރުންނެވެ. މީގެ އިތުރުން ރަށުކައުންސިލުން މިމަސައްކަތާ ގުޅޭގޮތުން ރައްޔިތުންގެ ހިޔާލު ހޯދެވުމަށް އެކިފަހަރުމަތިން ރައްޔިތުންނަށް ދެންނެވުމުން އެކަމަށްއިޖާބަދިނީ މަދު ރައްޔިތުންތަކެކެވެ. އަދި މިކަމާ ގުޅޭގޮތުން ހިޔާލު ފާޅުކޮއްފައިވަނީ ހަމައެކަނި ރަށުގެ ފަތިފުށް ޖަމިއްޔާއިންނެވެ.

ހައްލު:

މިރިޕޯޓަކީ ހއ.އިހަފަރު ފަޅުމަރާމާތުކުރުމުގެ މަސައްކަތް ކުރިއަށް ގެންދަނިކޮށް، ރަށުގެ ރައްޔިތުން ނިކުމެ،އެމަސަކައްކަތް ހުއްޓުވި މައްސަލައިގެ ހައްލުކުރުމަށް އެޅިދާނެ ފިޔަވަޅު އަންގާދިނުމުގެ ގޮތުން ލިޔާރިޕޯޓެކެވެ. މިމައްސަލައަށް ޙައްލު ހޯދޭނީ މިމަސައްކަތް ކުރިއަށް ގެންދިޔުމުގައި ކައުންސިލްގެ ދެއްނެވުންތަކަށް ރައްޔިތުންނާއި، ޖަމިއްޔާތަކުން އެއްބާރުލުންދީ އެކަން ކުރިއަށް ގެންދާނެގޮތުގެ ޙިޔާލުފާޅުކޮށް އަދި އުވަދޯނި ކޮންސްޓުރަކްޝަނުންވެސް ޖަމިއްޔާތަކާއި ، ކޮމެޓީތަކާއި،ރައްޔިތުންގެ ޙިޔާލާއި މަޝްވަރާހޯދިގެންނެވެ.