ބިރުވެރި އަޑުފަށްގަނޑު

   އަހަރެން މަތީސާނަވީ ނިއްމާލުމައްފަހު އިތުރަށް ކިޔެވުމަށްޓަކައި މާލެބަދަލުވީމެވެ.އަހަރެންނަށް މާލޭގެ މާހައުލަކީ އެހާހިތްގައިމު ތަނަކަށްނުވިއެވެ.އަބަދުވެސް ހީވަނީ ކޮންކުރީޓް މެޝިނެއް ޖައްސާފައި ހުންނަހެންނެވެ.ދުއްވާ އެކިޒާތްޒާތުގެ އެއްޗެހީގެއަޑެވެ.މަގުމަތީގައި މީހުން ހެލިމޭލި ނުވާއިރެއްނުދެއެވެ.ދަނަވަރެކޭ ދުވާލެކޭ އެއްފަފައެވެ.އަހަރެން ދެކޭގޮތުގައި މާލެގައި އުޅުމަކީ ރުފިޔާތައް ގެންގޮސް ޑަސްބިނަށް ލުންފަދަކަމެކެވެ.އެތައްބިލަކަށް ރުފިޔާ ދައްކަންޖެހެއެވެ.ފެނާއި ކަރަންޓުބިލަކީ ހައްތާވެސް ބޮޑެތި ޚަރަދެވެ.މިހުރިހާ ކަމަކާހެދި އަހަރެން ގަސްތުކުރީ ބައްޕަ 

ބުނުއްވިގޮތަށް އެހެންމީހަކާއެކު ކޮޓަރިއެއްގައި އުޅުމަށްށެވެ.

     އަހަރެން އުޅެމުން ދިޔައީ މާލޭގެހެންވޭރު ކޮޅުގައި ހުންނަގެއެއްގައެވެ.ދުވަސްވަރަކީ ސިޔާސީގޮތުން ހަލަބޮލިވެފައިވާ ދުވަސްވަރެކެވެ.ރިޔާސީ އިންތިހާބު ގާތްވެފައިވާތީއެވެ. މާލޭގައި އަޑުގަދަކުރާ ބަހައްޓައިގެންނާއި އެކިގޮތްގޮތަށް ކެމްޕެއިންކުރަމުން ގެންދެއެވެ. އަހަރެން ކޮޓަރީގައިއުޅެމުންދަނީ އަހަރެންގެ ކުލާސް ކުއްޖެކެވެ.އަހަރެންގެ ރަހުމަތްތެރިޔާއަކީވެސް ދާދި އަހަރެންނާ އެއްފުރާ ކުއްޖެކެވެ.އެނާއަށް ވާނީ ގާތްގަޑަކަށް ވިއްސަކަށް އަހަރެވެ.

   ދަންވަރުގެ ހަމަހިމޭން ވަގުތެވެ. ޕޮއްކިޔާފައި އަޑެއްގޮވާފިއެވެ.އެއަޑާއެކު އަހަރެންނަށް ސިއްސައިގެންގޮސް ހޭލެވިއްޖެއެވެ.ދެކޮޅު ހޯދާލީމެވެ.އެކެއްޗެއްވެސް ފެންނާކަށްނެތެވެ.ކުޑަދޮރުން ބޯދިއްކޮއްލާބަލައިލީ ކާރެއް ނުވަތަ ސައިކަލެއް ފަދަ އެއްޗެއްގެ ހަންފަޅައިގެން ދިޔައީ ކަމަށް ހީކޮށެވެ.އެކަހަލަ އެއްވެސް ކަމެއް ފެންނާކަށް ނެތެވެ.ޖެހިގެންއައިރޭ އަހަރެންނަށް ހޭލެވުނީ 'ޓައް'،'ޓައް'،'ޓައް'...މިއަޑު އިވުނީމައެވެ.އަނެއްކާ ދަންވަރުގަޑީ އަހަރެން ހޯދަން މީހަކު އައީބާއެވެ.ނޫނެކެވެ.އަހަރެން ދަންނަމީހަކު މާލެއަކު ނޫޅޭނެއެވެ.ރަގަނޅަށް ވިއްޔާމުން އެވާނީ ރަހުމަތްތެރިޔާގެ ސިއްރު ބިޓަކަށްށެވެ.މަޑުމަޑުން ގޮސް ދޮރުހުވާ ބަލައިލީމެވެ.އެކަކުވެސް ފެންނާކަށް ނެތެވެ.އަހަރެން އެކަމާ އަޅައެއްނުލަމެވެ.ދެތިން ރެއެއް ފަހެވެ.'ޓޫސް' ކިޔާފައި އަޑެއްއިވުމުން ހޭލެވިއްޖެއެވެ.އަނެއްކާ ދެޕާޓީ ދޭތެރޭ ހަމަނުޖެހުމެއްހިގައި މީހަކު ޒަހަމް ކޮއްލީބާއެވެ. އަހަރެންނަށް ހީވަނީ އެމްބިއުލާންސް ހަރަކާތްތެރިވާ އަޑުހެންނެވެ.ކުޑަދޮރުން ބޯދިއްކޮއްލާ ބަލާލިއިރު އެކަހަލަ އެއްވެސް ކަމެއް ފެންނާކަށްނެތެވެ.މިހެންގޮސް އެކިރޭ އެކި އަޑުއިވެން ފަށާފިއެވެ.ފޮތިވީދާ އަޑެވެ.އަހަރެންނަށް ބަލާލެވެނީ ކުޑަދޮރުން ބެރެވެ.އަހަރެންނަށް ހީކުރެވުނީ ކެމްޕެއިން ފޮތިދަމަން ފޮތިވީދަނީކަމަށެވެ.މިހެން ގޮސް އެކި ޒާތްޒާތުގެ އަޑު އިވެންފަށާފިއެވެ.އިވޭ އަޑުއަޑާ ގުޅުންހުރި ކަމެއްވެސް ފެންނާކަށްނެތެވެ.އަހަރެން ބިރުހީވާން ފާށައިފިއެވެ. އަނެއްކާ ރޫހާނީ ކަމެއްބާވައެވެ.

       ޖެހިގެންއައި ދުވަހު ހެދުނެވެ.އަހަރެންގެ ރަހުމަތްތެރިޔާ ގާތު ދަންވަރަށް އަޑުއަޑު އިވޭތޯ އަހާލީމެވެ.ރަހުމަތް ތެރިޔާއަށް ނީވޭކަމުގައި ބުންޏެވެ.ތެދެކެވެ.މިހުރިހާ ކަމެއްވާއިރުވެސް ރަހުމަތްތެރިޔާ އޮންނަނީ ގަދަނިދީގައެވެ.އެދުވަހު އަހަރެންގެ މަޤްސަދަކަށްވީ ދަންވަރުވަނީ ކީއްކަން ބަލާށެވެ.

      ދަންވަރުގެ ވަގުތެވެ.އަހަރެންގެ ރަހުމަތް ރެރިޔާއޮތީ ނިދާފައެވެ.އަހަރެން އޮތީ ލޯމަރައިގެން ނިދާފަ އޮތް ކަމަށް ހެދިގެންނެވެ.ރަހުމަތްތެރިޔާ ގަޔަށް ބާރުކުރަން ފަށައިފިއެވެ. ހަމަ އެއާއެކު ބަޑިތަކެއް ތަޅައިގެންފި ކަހަލައެވެ.އަހަރެން އަޑިއަށް ކެކެމުންއެރި ހިނިގަނޑު ބޭރަށް ފަޅައިގެން ގޮސްސިއެވެ. ހީހީގޮސް ބަނޑަށް ތަދުވާން ފަށައިފިއެވެ. ހޭ އަޑުފަށްގަނޑު ގަދަވުމުން ރަހުމަތް ތެރިޔާއަށް ހޭލެވިއްޖެއެވެ.ރަހުމަތްތެރިޔާ އަހަރެންނާ ސުވާލުކުރަނީއެވެ. އަހަރެންނަށް ހެނުމާހެދި ވާހަކައެއް ނުދެއްކެއެވެ.އެންމެފަހުން ހީހީގޮސް ހީސްލެވޭވަރު ވެއްޖެއެވެ. ހުއްޓާލަން މަސައްކަތްކުރި ކަމަކު ހުއްޓައެއްވެސް ނުލެވުނެވެ.ތެދެކެވެ. ދަންވަރަށް އިވެނީ ރޫހާނީ އަޑެއްވެސްނޫނެވެ.ސިޔާސީ ކަންކަމުގައި ހަރަކާތްތެރިވާ އަޑެއްވެސްނޫނެވެ. ކުރިން ރޭތަކުގައި އަޑުތަކުގެ ރާގު ބަދަލުވާން ފަށައިފިއެވެ. ވިސްނާލެވުނުއިރު ފުރަތަމަރޭ ހަންފަޅައިގެން ދިޔައަކީނޫނެވެ.ދޮރުގައި މީހަކު ޓަތްކެއްވެސް ނުޖަހައެވެ.އެމްބިއުލާންސް ހަރަކާތްތެރިވާ އަޑެއްވެސްނޫނެވެ.އެއިވުނީ ފޮތިވީދާ އަދި ބަޑިތަޅާ އަޑެއްވެސް ނޫނެވެ. ' ޕޮއް' ކިޔާފައި ގޮވި އަޑު 'ޕުއް' ކިޔުމަށް ބަދަލު ވެއްޖެއެވެ.'ޓައް'،'ޓައް'،'ޓައް' ކިޔުން 'ޕުއް' 'ޕުއް'،ޕުކަށް ބަދަލު ވެއްޖެއެވެ.'ޓޫސް' ކީއަޑު ' ޕޫސް'އަށް ބަދަލު ވެއްޖެއެވެ.  'ކީސް' ލާފައި ފޮތިއިރާ އަޑު ' ޗީސް'އަށް ބަދަލު ވެއްޖެއެވެ.'ޑަން''ޑަން''ޑަން' ލާފައި ބަދިތަޅައިގަތް އަޑު 'ޕަ ޕަ ޕަ ޕޫސް' އަށް ބަދަލުވެއްޖެއެވެ.ހެވެނީ އެވެ. އަދިވެސް ވީގޮތެއް ރަހުމަތްތެރިޔާ އަކަށް ނޭނގެއެވެ.ދަންވަރު ގަޑީގައި އިވޭ އަޑު އިގުނީތާއެވެ. ދަންވަރު އިވޭ އަޑާ އެކު ވަސްދޮވާކަންވެސް ހަނދާނަށް އައީ ދެނެވެ.'ދަންވަރު އިވެނީ ފޮޑި' އަހަރެންނަށް ބުނެވުނީ މިހާހިސާބަށެވެ.ބާރަށް ހީގަނެ ވިއްޖެއެވެ.އަހަރެންނަށް ރަހުމަތްތެރިޔާ ގާތު އެވާހަކަ ބުނެވުނީ އެދުވަހު މެންދުރުވާން ކައިރިވެފައި ހުއްޓައެވެ.ހުރިހައި ވާހަކަތަކެއް ކިޔައި ދިނުމުން ދެމިހުންނަށްވެސް އެއްފަހަރާ ހީގަނެވިއްޖެއެވެ.