ރައިވަރު ދޭހަވާމާނަ

ކީލިއިދި ވަކަރު ތިޔަ    (  ތިޔަ އިދިކީލި ވަކަރު    )

ނީފިލާދެން ކޮށޭޅިޔަ     ( ޅިޔަ ފިލާންދެން ކޮށޭނީ   )

ޑީނަށަ ވަމުން ވެގެންކިޔަ  ( ވަޑީންނަށެ ކިޔަމަންވެގެން  )

ވީ ފޮރޮއަކުން ތޫނުމިޔަ   ( މިޔަތޫނުވީ ފޮރޮއަކުން    )

ހީވި ނުކުބަސް ދޮގޭރާތި   (  މި ބަސްދޮގޭ ހީނުކުރާތި  )

ރީނޭ މޭސް ޅަފުރާތި     (  ޅަފުރާ މޭސްތިރިންނޭ    )

(ކަންޒުލް އަދަބު،ލަކުޑި ފޮތް)

ޅެން ޝަރަހަ

އަސްލުގައިވެސް

(ޔޫސުފް ޢަލީފުޅު)

މަލެއްނެތްނަމަ ފޮޅުންފަރިވާ ގަހަށް ފިނިފެންމަލުގެ ތިރިވާ

          ވަލެއްގައިވެސް ކޮކާމާބޫރު އައިސް އުޅުމީ ނުވާނޭކަމެއް

ބަލާލާއިރު ލިލީމަލަކާއި ތަފާތުނުވާ އެހެންމާތައް

          ހަލާކެއްނެތި ފޮޅުނުނަމަވެސް ވަހެއްގާ ވޭހެ މީރުކަމެއް

ގުރުޑުފިޔަ ހޯދަނިވިއްޔާ ފެނޭ ފިނިފެންމަލުން އަދިވެސް

          ދުރުންދާއިރު ނުވިސްނޭހޭ ޢަބީރެއް އޭގެ ވާނޭކަމެއް

ގަހުންއަލަ ކެޔޮނިރެއްޖެހުމީ އެއަށްފެންދީ ހަދާއުޅުނަސް

          ފަހުންޤަރުނެއްވެ މަރުވެދިޔަސް އެއީ އަމުދުން ނުވާނޭކަމެއް

ކިތަންމެއއެލޯބިކޮށް ކަޅުއޮށުގެ ބަނޑުދޮށުގާ އެބޮޑުކުރިއަސް

          ދެތަންވެވި ހަންޖަކަށް ކޮރަކަލިވުމުން ނޭނގޭހެ ކާނޭކަމެއް

ބިރުވެރި އަޑުފަށްގަނޑު

   އަހަރެން މަތީސާނަވީ ނިއްމާލުމައްފަހު އިތުރަށް ކިޔެވުމަށްޓަކައި މާލެބަދަލުވީމެވެ.އަހަރެންނަށް މާލޭގެ މާހައުލަކީ އެހާހިތްގައިމު ތަނަކަށްނުވިއެވެ.އަބަދުވެސް ހީވަނީ ކޮންކުރީޓް މެޝިނެއް ޖައްސާފައި ހުންނަހެންނެވެ.ދުއްވާ އެކިޒާތްޒާތުގެ އެއްޗެހީގެއަޑެވެ.މަގުމަތީގައި މީހުން ހެލިމޭލި ނުވާއިރެއްނުދެއެވެ.ދަނަވަރެކޭ ދުވާލެކޭ އެއްފަފައެވެ.އަހަރެން ދެކޭގޮތުގައި މާލެގައި އުޅުމަކީ ރުފިޔާތައް ގެންގޮސް ޑަސްބިނަށް ލުންފަދަކަމެކެވެ.އެތައްބިލަކަށް ރުފިޔާ ދައްކަންޖެހެއެވެ.ފެނާއި ކަރަންޓުބިލަކީ ހައްތާވެސް ބޮޑެތި ޚަރަދެވެ.މިހުރިހާ ކަމަކާހެދި އަހަރެން ގަސްތުކުރީ ބައްޕަ 

ބުނުއްވިގޮތަށް އެހެންމީހަކާއެކު ކޮޓަރިއެއްގައި އުޅުމަށްށެވެ.

ޤައުމީ ލީޑަރުންގެ ކިބައިން ފެންނަންޖެހޭ ރިވެތި ސިފަތައް

     ޤައުމީލީޑަރުންނަކީ ޤައުމެއްއައި ވަރަށް ޚާއްސަމަގާމެއްދެވިފައިވާ ބައެކެވެ.ޤައުމުގެ އެންމެ އިސްސަފުން ގުނާލެވޭބައެކެވެ.ޤައުމީލީދަރުންނަކީ އަބަދުވެސް އެޤައުމަކަށް ފައިދާ ކޮއްދޭން ތައްޔާރައްތިބޭބައެކެވެ.މުޅިމުޖުތަމައުގެ ރުހުންލިބި ނަމޫނާއަކަށް ބަލާބައެކެވެ.މިގޮތުން ކޮންމެ ޤައުމެއްގައިވެސް މިފަދަ ލީޑަރުން ތިބެއެވެ.އަދުގެ މުޖުތަމައުން ޤައުމަށް ހެވާލާބަ ހޯދައިދިނުމަށް ޤައުމީލީޑަރުން އިސްނަގާގެން އުޅުމަކީ އާންމުކަމެކެވެ.މިފަދަ ބައެއްގެ ކިބައިން ފެންނަންޖެހޭ ރިވެތި ސިފަތަކަކީ މުޖުތަމައު އެބައެއް ބަލައިގަތުމުގެ އަސްލެވެ. ވީމާ އެފަދަ ބައެއްގެ ކިބައިން ފެންނަންޖެހޭނެ ސިފަތަކަކީ އެއްބައިވަންތަކަމާއި،ވަފާތެރިކަމާއި،ދީނަށްލޯބިކުރުން އަދި ރައްޔިތުންނަށް ފައިދާއަށް މަސައްކަތް ކުރުމެވެ.   

ޚިދުމަތުގައި

               

1974 ވަނަ އަހަރު ފެބުރުއަރީ ފަސްވަނަ ދުވަހު ދުނިޔޭގެ އަލިކަން ދެކެވަޑައިގެންނެވި އަލްފާޟިލް އަހުމަދު ރަޝީދަކީ ކުންޑަ އާއިލާއާއި އަލިބެ އާއިލާއަށް ނިސްބަތްވެ ވަޑައިގަންނަވާ ބޭފުޅެކެވެ.ހއ.އިހަވަންދޫ ރޯޒީވިލާއަށް އުފަންވެ ވަޑްއިގެންނެވި އަލްފާޟިލް އަހުމަދު ރަޝީދު އެންމެންގެ ނަމުންނަމަ "ދޮންބެ" އަކީ ހއ.ހޯރަފުށީ އަލަނާސިމާގޭ މުހައްމަދު ޔޫސުފް އާއި ހއ.އިހަވަންދޫ ނެދުންގޭ ޖަމީލާ އަށް ލިބިވަޑައިގެންނެވި 4 ވަނަ ދަރިފުޅެވެ. އާއިލާގައި 3 ދައްތައާއި 3 ކޮއްކޮ ތިއްބެވިއެވެ. ލޮނުމިރުހާއި ގަރުދިޔައާއި ބަތާއި ކެއުމަށް އެންމެ ލޯބިކުރާ ދޮންބެއަކީ އެހެންމީހުންނަށް އިސްލާމްދީން އުގެނުމުގެ ދައުވަތު ދިނުމަށް ވަރަށް ބޮޑަށް ޝަޢުޤުވެރިވާ ބޭފުޅެކެވެ.

އަލްފާޟިލް އަހުމަދު ރަޝީދު ( ދޮންބެ )ގެ މައިންބަފައިން ވަނީ މިފަނާވަނިވި ދުނިޔެއާއި އަލްވަދާޢުކިޔާފައެވެ. ހަމައެހެންމެ ދޮންބެ ހަޔާތުގައި އެންމެ އަސަރުކުރި ހިތާމަވެރި ދުވަހަކީ ދޮންބެގެ ލޮބުވެތި މަންމަ (ޖަމީލާ ހަސަން) މިދުނިޔެއާއި ވަކިވި ދުވަހެވެ. ހަމައެހެންމެ ދޮންބެ ޒަވާޖީ ހަޔާތެއް ފެށުމުގެ ގޮތުން އެރަށު ފުނަމާގޭ ޝަމީމާ އަބުދުއްސައްތާރު އާއި ގުޅިވަޑައިގެންފައި ވަނީ 2001 ވަނަ އަހަރުގައެވެ. ކައިވެންޏަށް 11 އަހަރުވީރު އެދެބޭފުޅުންނަށް އަންހެންކުއްޖަކާއި ފިރިހެންކުއްޖެއް ލިބިވަޑައިގެންފައިވެއެވެ. ދޮންބެގެ ހަޔާތުގައި އެންމެ އުފާވެރިކަމެއް ލިބިވަޑައިގެންފައިވަނީ ފުރަތަމަ 

ދަރިފުޅު (މައިޝާ އަހުމަދު ރަޝީދު) ދުނިޔެއަށް އުފަންވި ދުވަހުއެވެ.

ހއ.އިހަފަރުގެ ފަޅުމަރާމާތުކުރުމަށް އެރަށު ރައްޔިތުން ހުސްއެޅި މައްސަލައަށް ހައްލެއްހޯދުން

ތަޢާރަފް:

    2004ވަނަ އަހަރުގެ ޑިސެންބަރުމަހުގެ 26ވަނަ ދުވަހަކީ ސުނާމީކާރިސާއިން މުޅިރާއްޖެއަށް ގިނަގުނަ ގެއްލުންތަކެއްލިބުނު ދުވަހެކެވެ.މިގޮތުން ހއ.އިހަފަރަކީވެސް މިކާރިސާގައި އެރަށުފަޅު ވަރަށް ބޮޑަށް ހަލާކުވެ ގެއްލުންތައްވެފައިވާ ރަށެކެވެ.މިރަށު ފަޅު މަރާމާތުކުރުމުގެ މަސައްކަތް ސަޢުދީ ސަރުކާރުގެ ހިލޭ އެހީގެދަށުން ކުރިއަށް ގެންދަނިކޮށް، ރަށުގެ ރައްޔިތުންނިކުމެ، މި މަސައްކަތް ވަނީ ހުއްޓުވާފައެވެ. މިއީ މިނިސްޓުރީ އޮފް ހައުސިންގެ ޑިރެކްޓަރ ގެނެރަލް އައިޝަތު އަހުމަދު މި މައްސަލަ ރަގަނޅަށް ދިރާސާކުރުމަށްފަހު ލިޔާ ރިޕޯޓެކެވެ.މިރިޕޯޓު އެކުލަވާލާފައި މިވަނީ އިހަފަރަށްގޮސް، ރަށުގެވެރިންނާއި،އެރަށު ކޮމުޓީތަކާއި، ޖަމިއްޔާޖަމާއަތްތަކާއި،އާއްމު ރައްޔިތުންނާއި،އެރަށު ޕޮލިޝްސުޓޭޝަންގެ ފަރާތުން ހޯދިމައުލޫމާތުތަކުގެ އެހީގައެވެ. މިރިޕޯޓުބިނާވެފައިވާނީ ފަޅު މަރާމާތުކުރުމުގެ މަސައްކަތް ކުރިންކުރެވިފައިވާގޮތާއި،ފަހުން މަސައްކަތް ކުރިއަށް ދިޔަގޮތާއި، މަސައްކަތް ހުއްޓުވުމަށްމެދުވެރިވި ސަބަބުތަކާއި، މިކަން ޙައްލުކުރުމަށް އެޅިދާނެ ފިޔަވަޅުތަކެވެ.

ރަށު ކައުންސިލްގެ ރައީސްކަން ލިބިއްޖެ ނަމަ...

        ރައީސް މުޙައްމަދު ނަޝީދުގެ ވެރިކަމުގައި ރަޔިތުންނަށް ރަގަނޅުގޮތް ހޯދައިދެއްވުމައްޓަކައި ލާމަރުކަޒީ އުސޫލުން ރަށްތައް ހިންގެވުމަށް ކޮންމެ ރަށެށްގައި ކައުންސިލަރުން ހޮއްވެވިއެވެ.އެއީ ކޮންމެ ތިން އަހަރަކުން އިންތިހާބު ކުރާ ގޮތަށްށެވެ.އެހެންކަމުން ކައުސިލިރުންނަކީ ވަރަށް ޒިންމާދާރުކަން ބޮޑު ބައެކެވެ.އެބޭފުޅުން ރައްޔިތުންނަށް ހެވާލާބަ ހޯދައިދެއްވުމަށްޓަކައި މަސަކައްކަތް ކޮއްދެއްވައެވެ.ވީމާ އަޅުގަނޑަށް ކައުންސިރުކަމުގެ ރައީސްކަން ލިބިއްޖެނަމަ ރަޔިތުންނަށް ހެވާލާބަ ހޯދައިދިނުމަށް ރަށުގެކަންކަން 

އިސްލާހުކުރުމަށްފަހު، ރައްޔިތުންނަށް ލުއިފަސޭހަކަން ފޯރުކޮށްދީގެން ކުރިއަށް ގެންދިއުމަށް މަސައްކަތްކުރާނަމެވެ.